9 December 2019
淘寶成日都有好多笑料。最近就有好多網民討論淘寶上面一款白文鳥羊毛氈戳戳樂材料包嘅評論。原來係好多買家，整完羊毛氈之後，係評論區分享自己嘅”成果“，但係好多成果都同理想差得好遠，本來可愛嘅白文鳥，變成各種奇奇怪怪嘅生物。
可以見到賣家秀出黎嘅白文鳥肥嘟嘟，好可愛。而且望落去無咩細節，好似好容易整咁。
但係買家秀出嚟嘅成品係咁樣。都幾得意，但係變左做2D版。買家仲話：「對不起，我不應該笑別人」。下面嘅買家成品都不相伯仲，本來細細嘅喙，唔單止變到好大，仲變到好似「孖膶腸」。唔通隻雀仔岩岩食完麻辣蟲，個喙腫左？
平時見到其他人整羊毛氈整得好輕鬆咁，篤篤下就將一團羊毛變左一隻可愛嘅雀仔，但係往往自己親手做嘅時候，先知道背後嘅艱難啊！
下一個買家更加令白文鳥基因大變異，由白色變左做紅橙相間嘅蛇！仲有網民覺得似三文魚壽司。你地又覺得似咩？
依個買家一收到就即刻滿心歡喜咁戳戳樂，睇嚟佢自己都笑得好開心。
不過10蚊人仔咁平，整得唔靚都唔緊要，失敗乃成功之母嘛！而且整完笑下都幾好。
