13 May 2020
隨著內地物流回復穩定，各位淘友又可以開心買淘寶。如果你習慣係電腦用PPS畀錢，就要留意返支付寶由2020年4月30起唔再支援電腦版本的PPS支付服務。 唔使擔心，只要2個步驟，將PPS連結落支付寶帳戶，就可以繼續用PPS畀錢，享受較低手續費，連結完每次畀錢只需要掃一掃二維碼，再輸入一次性有效密碼，就可以安全又快捷咁買淘寶。
步驟1
先下載PPS手機程式， 登入PPS帳戶，按“AlipayHK登記編碼”，輸入SMS密碼，獲取登記編碼。留意登記編碼有效時間為30分鐘，如果逾時失效，可以重複以上步驟，申請一個新嘅登記編碼。
步驟2
進入支付寶應用程式，係目錄選擇PPS，按“已獲取PPS登記編碼”，輸入步驟1獲得嘅編碼，同你嘅PPS登記手機號碼，就完成綁定！留意返綁定有效期為12個月，過期就要再次申請㗎啦！
（照片來源: ppshk.com）
如何付款
付款嘅時候，選擇支付寶，再用電話掃瞄二維碼，進入支付寶。係付款方式選擇PPS，再輸入SMS收到嘅一次性密碼，就可以成功付款。
申請PPS方法
如果你無PPS，又唔想用信用卡，畀咁多手續費，可以帶埋你嘅信用卡，去有PPS終端機嘅OK便利店申請一個帳戶。
資料來源：ppshk.com
